Раз натрафила лишка на рака й хотіла го з’їсти. А рак говорить лишці:
— Го-го, чекай, лишко! Наперед ся заставиме, же хто дальше скочить.
І лишка ся обернула задом гу ракові і каже:
— Як начитам до трьох разів, то скочиме. Но, раз, два…
А рак хап лишку за хвіст, а коли лишка повіла «три», і скочила через ярок. Як лишка обернулася, закричала на другий бік ярку:
— Раку, обертас!
А рак іззаду нєй одповідать:
— А я уже давно чекам на тя.
І так рак виграв ставку, і лишка його не з’їла.