Раз посварилися миш із жабою і так ся зненавиділи, що єдна другій не давали през стежку перейти. І раз говорить жаба: «Не мож ся обити, жеби єдна другій през стежку не перейшла». І говорить жаба до миші: «Будем ся бити, але на смерть!»
І зачали ся бити. Так ся били, товкли, що аж земля ся під ними трясла. Увидів то боцюн і злетів на них, ухватив миш до дзьоба, а жабу до лаби, піднісся на своє гніздо і там їх з’їв.